ನಾನೇ ಕೊಂದ ಬದುಕು

ಬಿಸಿ ಉಸಿರ ಕದನಕ್ಕೆ ಸದಾ ಸಿದ್ದವಾದ

ಜೀವನ

ಮಾಗಿದ ಮಾವಿನ ರಸ ಹೀರುವ ದುಂಬಿಗಳ ಕದನ

ರಾತ್ರಿ ಪಾಳಿಯ ಮೃದು ಮಲ್ಲಿಗೆಯ

ಸೌಂದರ್ಯ ಮದನ

ಸವಿದಷ್ಟೂ ರುಚಿಸಿ

ಮತ್ತೆ ಬೇಡಿ ಬರುವ ಸಾಲು ಮೃಗಗಳ ಚಾರಣ

ಅದರಲಿ ಸಾರಂಗದ ಹರಣ

ಮನದ ಭಯಕೆಗಳ ಅದುಮಿ

ಬರಿ ದೇಹ ಮಿಲನ

ಕಾಣದ ಕತ್ತಲೆಯೊಳು

ಕಣ್ಣೀರ ಮರಣ

ಆಸೆಯ ಬದುಕಲ್ಲ

ನಿರಾಸೆಯ ದಾರಿಯೊಳು

ಒಂದಿಷ್ಟು ಉಸಿರು ನೀಡಿದ

ಅಡ್ಡ ದಾರಿಯ ಪರಿಣಾಮದ ಬದುಕು

ದಣಿವಾರಿ ಮೈಕೊಡವಿ ಮೇಲೆರುವ

ಮೊದಲೆ ಉಸುಕಿನಲಿ

ಸಿಲುಕಿದ ಕಾಲು

ಬಿಡಿಸಲಾಗದೆ ಬರಿ ಪ್ರಯತ್ನಗಳ

ಸೋಲು

ಅಲ್ಲಿಂದೀಚೆಗೆ ಬರಿ

ಉಸಿರಿಡಿದ ಬದುಕು

ಬೆವರಿಳಿಸಿ ಬೇವರೊರಸಿ

ಕೊಂಚ ವಿರಾಮದ ಗೆಲುವು

ಎಂದೋ ಕೊಂದ ಸಾರಂಗದ

ಮಾಂಸದ ಮುದ್ದೆಯ ದಿನವು

ನೆಕ್ಕುವ ಸೀಳು ನಾಯಿಗಳ

ಸಾಲಿನಲಿ

ಮೂಟೆ ಕಟ್ಟಿದ ಕನಸುಗಳ

ಜೊತೆಗೆ ದೇಹ ಮಣ್ಣಾಗಿಸುವ

ದಿನ ಕಾಯುವ ಬದುಕು

ದಿನವು ಕಾಯುವ ಹಳೆತಾದ ಬದುಕು

ಅರುಣ್ ಕುಮಾರ್ ಯಾದವ್ ಜಿ. ಕೆ

ಸಾಫ್ಟ್ ವೇರ್ ಇಂಜಿನಿಯರ್, ಬೆಂಗಳೂರು.